Steinsfjell

Kortreist turglede!

Steinsfjell er eit lite fjell rett aust for Evje sentrum. Det er eit «kortreist», men flott turmål!

Når du kjem opp mot toppen, går det fin sti fram til utsiktspunktet. Foto: Geir Daasvatn

I vesthallet av fjellet, mot sentrum, ligg Trollbakken hoppanlegg. Mot sør ligg den store skytebanen som var hovudarena under Landsskytterstemna på Evje i 1999 og 2009, og som skal vere det igjen i august 2019. På toppen av fjellet har Forsvaret ei varslingsmast for skyteøvingar i Evjemoen skyte- og øvingsfelt.

Toppen er eit populært turmål. Herfrå er det eit vidt utsyn utover heile den svære sletta som utgjer det militære skyte- og øvingsfeltet.

Det skal ha vore bygdeborg på Steinsfjell. Under Fennefossfjellet står ein svær stein. Etter gamal folketru var det rysen i Steinsfjellet som kasta steinen etter gygra i Fennefossfjellet utan å nå fram.

Korleis kome dit

Du kan gå eller sykle bort til Evje stadion. Der kan du også parkere bilen, om du kjem på det viset. Derfrå er det bare å spasere bort til Trollbakken hoppanlegg. Du kan følge vegen som går opp til toppen av anlegget. Der finn du ganske lett ein grei sti å følge til toppen av fjellet.

Se bilder av turløypa

Kilde: Setesdalswiki

 

 

Hei. Lurer du på noe?

Send
ei melding, så hører du fra oss!