Ved Topteneset langs Riksveg 9, rett sør for Frøysnes i Bygland, er det spor etter tre hovudvegar gjennom Setesdal. Det er verkeleg ein spennande plass å ta eit lite stopp, om du er interessert i gamle vegminne.
Skrive av Geir Daasvatn
Topteneset stikk ut i Åraksfjorden. Den gamle Postvegen gjekk rett over fjellknausen her. Postvegen var den første brukelege køyrevegen for hest og kjerre oppover i Setesdal, og blei bygd fram til Valle i 1840-åra. Forbi her kom han truleg rundt 1842.
Saken fortset under biletet
![](https://opplevevje.no/wp-content/plugins/phastpress/phast.php/c2Vyd/mljZT1pbWFnZXMmc3JjPWh0dHBzJTNBJTJGJTJGb3BwbGV2ZXZqZS5ubyUyRndwLWNvbnRlbnQlMkZ1cGxvYWRzJTJGMjAyMCUyRjExJTJGUG9zdHZlZ2VuLVRvcHRlbmVzZXQtRnJveXNuZXMtMjcxMDE4LTItMi0xMDI0eDU3My5qcGcmY2FjaGVNYXJrZXI9MTY5NjQzODQ5Ni0yOTUxMDcmdG9rZW49NWI2YTFkNjY0NmFkMzc2OA.q.jpg)
– Toptenesbakken var ein annan av bakkane som var vanskeleg å greie for bilar, så på 1920-talet vart vegen lagt rundt neset, skriv Leonhard Jansen m.fl. (Frå postveg til riksveg – vegar og vegminne langs riksveg 9, Bokbyen Forlag, 2018, side 116)
Saken fortset under biletet
![](https://opplevevje.no/wp-content/plugins/phastpress/phast.php/c2VydmljZT1pbWFnZXMmc3JjPWh0dHBzJTNBJTJGJTJGb3BwbGV2ZXZqZS5ubyUyRndwLWNvbnRlbnQlMkZ1cGxvYWRzJTJGMjAyMCUyRjExJTJGVG9wdGVuZXNldC1nYW1tZWwtdmVnLTA2MDQyMC0xLTItMi0xMDI0eDU3OC5qcGcmY2FjaGVNYXJrZXI9MTY5NjQzODUxMi0yMzEzNTUmdG9rZW49ZDhmMzIxM2VmMGMxNGNmNQ.q.jpg)
I 1978 blei det sprengt ut ei høg skjering som Riksveg 9 i dag går gjennom i ein slak sving.
Saken fortset under biletet
![](https://opplevevje.no/wp-content/plugins/phastpress/phast.php/c2VydmljZT1pbWFnZXMmc3JjPWh0dHBzJTNBJTJGJTJGb3BwbGV2ZXZqZS5ubyUyRndwLWNvbnRlbnQlMkZ1cGxvYWRzJTJGMjAyMCUyRjExJTJGVG9wdGVuZXNldC1Sdi05LTA2MDQyMC0yLTEwMjR4NDY2LmpwZyZjYWNoZU1hcmtlcj0xNjk2NDM4NTEyLTEyNTg0MCZ0b2tlbj1hY2Q0MDk1OTg1YjdmZjAx.q.jpg)
I Kulturminneplanen for Bygland kan du lese meir om både Topteneset og mange andre spennande kulturminne i kommunen.
Kjelder
- Leonhard Jansen, Pål Arnfinn Haugen, Olav Røysland, Harald Tallaksen, Frå postveg til riksveg – vegar og vegminne langs riksveg 9, Bokbyen Forlag, 2018, side 116
- Reidar Tveito, Riksveg 9 – Bruer og særtrekk langs vegen, Byglandsfjord 2014, side 123